Peter Hollins
(438) The Art of Intentional Thinking
“The Art of Intentional Thinking” စာအုပ်ဟာ သင့်ကိုအပြောင်းအလဲ ဖြစ်စေမယ့် လမ်းညွှန်ချက်တစ်ခုဖြစ်ပါတယ်။ သင့်ရဲ့ အတွေးတွေကတဆင့် လုပ်ရပ်တွေ၊ အပြုအမူတွေနဲ့ လောကကြီးကို မြင်တဲ့ ရှုထောင့်တွေ ထွက်ပေါ်လာတယ်။ ကံမကောင်းစွာနဲ့၊ ဒါတွေက သင့်အတွက်အကူအညီဖြစ်နိုင်တာထက် ထိခိုက်စေနိုင်တယ်။ ဒါကြောင့် ယခုစာအုပ်ဟာ လူတွေရဲ့ တွေးခေါ်ပုံ၊ ယုံကြည်မှု၊ ပျော်ရွှင်မှုနဲ့ ကိုယ့်ဘဝကို တာဝန်ယူနိုင်စေဖို့ အတွေးတွေကို တိကျသေချာစွာ ပြန်လည်ပုံဖော်တည်ဆောက်သင့်ပုံကို နက်နက်ရှိုင်းရှိုင်း လေ့လာရမှာပါ။ ပြောင်းလဲမှုတွေဟာ သေးငယ်ပြီး ရိုးရှင်းပေမယ့် ကြီးမားတဲ့ သက်ရောက်မှု ရှိစေမှာ ဖြစ်ပါတယ်။
(421) The Science of Powerful Focus
သင်လက်ရှိသုံးနေတဲ့ Focus နဲ့ Productivity နည်းစနစ်တွေက သင့်အတွက် လုံလောက်ကောင်း လုံလောက်လိမ့်မယ်။ ဒါပေမယ့် သူတို့ရဲ့ စိတ်ပိုင်းဆိုင်ရာနဲ့ ရုပ်ပိုင်းဆိုင်အရ အတူတကွ အလုပ်လုပ်ပုံကို နားမလည်ထားရင် ဖြစ်နိုင်ခြေတွေ အမြင့်ဆုံးကိုရောက်ရှိနိုင်မှာ မဟုတ်ပါဘူး။ “The Science of Powerful Focus” စာအုပ်ဟာဆိုရင် အကြီးမားဆုံး အလုပ်ပြီးမြောက်မှုနဲ့ ရည်မှန်းချက်တွေကို ရယူနိုင်စေမယ့် နည်းလမ်းတွေကို ပြသသွားမှာ ဖြစ်ပါတယ်။ နေ့စဉ်ဘဝမှာ အာရုံစူးစိုက်မှု ရရှိနိုင်ပုံကို ရှု့ထောင့်မျိုးစုံကနေ သုံးသပ်ပြသသွားမှာပါ။
(414) The Science of Intelligent Decision-making
သင့်ရဲ့ ရွေးချယ်စရာ များစွာကြောင့် ရှေ့မဆက်နိုင်ဖြစ်နေသလား? သတင်းအမှားတွေ၊ သုံးသပ်မှုအမှားတွေကြောင့် အခွင့်အရေးတွေကို လက်လွတ်ဆုံးရှုံးခံနေရသလား? သင်ဆုံးဖြတ်ချက်တွေ ချမှတ်ရမှာ သင့်ရဲ့ အလိုလိုသိစိတ်ကိုပဲ ယုံကြည်နေလို့မရပါဘူး။ သင့်ရဲ့ ချဲ့ထွင်တွေးတောနိုင်စွမ်း၊ ကောင်းကျိုး၊ ဆိုးကျိုး နှိုင်းယှဉ်နိုင်စွမ်း၊ လမ်းမှားမရောက်အောင် ရှောင်လွှဲနိုင်စွမ်းတွေကို တိုးတက်စေဖို့ လိုပါတယ်။ ဒါကို “The Science of Intelligent Decision-making” စာအုပ်မှာ သင့်ဘဝကို ပြန်လည်ထိန်းချုပ်ပြီး၊ ဆုံးဖြတ်ချက်တွေရဲ့ ချုပ်ကိုင်လွှမ်းမိုးမှုကို မခံရစေဖို့ သင်ကြားပေးသွားမှာ ဖြစ်ပါတယ်။ ဒီစာအုပ်ရဲ့ အဆုံးမှာ သင်ဟာ ကျရှုံးမှုနည်းလာမယ်၊ အချိန်ဖြုန်းခြင်းတွေ ရပ်တန့်သွားမယ်၊ နောင်တတွေကို ဘဝထဲက ထုတ်ပယ်လာနိုင်ပြီး၊ မှန်ကန်တဲ့ ရွေးချယ်မှုတွေက သင့်ကို ဖိအားတွေအောက်မှာ အကောင်းဆုံး တွေးခေါ်၊ စွမ်းဆောင်စေနိုင်မှာပါ။
(413) Endless Energy
သင့်ရဲ့ အကောင်းဆုံး ရည်ရွယ်ချက်တွေအားလုံးဟာ အကောင်အထည်ဖော်ဖို့ Energy မရှိရင် ကျရှုံးကြမှာပဲ။ ဒါကြောင့် ဇီဝကမ္မအရရော၊ စိတ်ပိုင်းဆိုင်ရာအရပါ ပိုပြီး Energetic ဖြစ်ဖို့ လေ့လာဖို့ လိုလာတယ်။ ဒီအတွက် Peter Hollins ရဲ့ “Endless Energy” စာအုပ်က ကူညီနိုင်မှာပါ။ အလေ့အကျင့်အသစ်တွေ တည်ဆောက်ချင်သလား? ပိုပြီးစည်းကမ်းရှိချင်သလား? သင့်ဘဝကို လိုချင်တဲ့အတိုင်း အပြောင်းအလဲလုပ်ချင်သလား? ဒါတွေအားလုံးအတွက် မဟာဗျူဟာက နောက်မှလာတယ်။ အဓိကအရေးကြီးတာ ဒီစိန်ခေါ်မှုတွေကို ရင်ဆိုင်ဖို့ Energy လိုတယ်။ သင်က သင်ကိုယ်တိုင်ရဲ့ ခွန်အားဖြစ်လာစေဖို့ “Endless Energy” စာအုပ်ထဲမှာ လေ့လာနိုင်မှာ ဖြစ်ပါတယ်။
(412) The Science of Rapid Skill Acquisition
သင်ယူလေ့လာမှုဟာ သင့်ရဲ့လက်ရှိအခြေအနေကို တိုးမြှင့်ဖို့၊ ကိုယ်ဖြစ်ချင်တဲ့သူတစ်ယောက် ဖြစ်လာဖို့ အဓိကသော့ချက်ပဲ ဖြစ်ပါတယ်။ Skills ၊ သတင်းအချက်အလက်နဲ့ အရည်အချင်းတွေဟာ သင့်ထံအလိုလို ရောက်လာမှာမဟုတ်တာကြောင့် ကိုယ်တိုင်ကိုယ်ကျ ရှာဖွေနိုင်ဖို့ လိုပါတယ်။ ဒီအတွက် အကောင်းဆုံးနည်းလမ်းနဲ့ ရှာဖွေနိုင်ပုံကို “The Science of Rapid Skill Acquisition” စာအုပ်က ပြသသွားမှာ ဖြစ်ပါတယ်။ “The Science of Rapid Skill Acquisition” စာအုပ်ဟာ အရည်အချင်းနဲ့ Skill အသစ်တွေကို ကိုယ်လိုချင်တဲ့နေရာ ရောက်ရှိနိုင်ဖို့ အကောင်းဆုံး အရင်းအမြစ်တစ်ခုပါပဲ။ စာအုပ်ထဲမှာဆိုရင် သတင်းအချက်အလက်တွေကို သင်ယူရာမှာ အဓိကကျတဲ့ အကြောင်းအရာတွေ၊ ကိုယ့်ရဲ့ အားသာချက်အတွက် ထိထိရောက်ရောက် အသုံးချနိုင်ပုံတွေကို စနစ်တကျ ရှင်းပြထားပါတယ်။
(398) Neuro-discipline
ကျွန်တော်တို့ရဲ့ ဦးနှောက်က ရည်မှန်းချက်ပန်းတိုင်တွေအတွက် တည်ဆောက်ရေးဆွဲထားခြင်း မဟုတ်ပါဘူး။ သူက လျင်မြန်မှု၊ ရှင်သန်မှု၊ လက်ရှိပစ္စုပ္ပန် အချိန်တွေအတွက် တည်ဆောက်ထားခြင်း ဖြစ်ပါတယ်။ ဒါကြောင့်သင့်ရဲ့ ဒီရှေးရိုးကျတဲ့ တွန်းအားတွေကို တိုက်ဖျက်ပြီး၊ Self-discipline ကို ကိုယ့်ရဲ့ New Normal ဖြစ်လာအောင် လုပ်ဖို့လိုတယ်။ “Neuro-Discipline” စာအုပ်ဟာဆိုရင် တိုက်ခိုက်နေကြတဲ့ ဦးနှောက်နှစ်ခုအကြောင်းကို ရေးပြသွားပြီး၊ လူတွေဟာ ဘာကြောင့် ပျင်းရိဖို့၊ Energy ကို ထိန်းသိမ်းထားဖို့ အားသန်ကြသလဲကို ရှင်းပြသွားခဲ့ပါတယ်။ ဒါတွေကို အနိုင်ယူဖို့က ဦးနှောက်ရဲ့ အဓိကအစိတ်အပိုင်းတွေကို သေချာနားလည်ပြီး၊ သူတို့နဲ့ အတူတကွ ပူးပေါင်းလုပ်ဆောင်နိုင်ဖို့ လိုပါတယ်။ ဒါကို “Neuro-Discipline” စာအုပ်ထဲမှာ အောင်မြင်တဲ့ Self-discipline ကို ရယူနိုင်ဖို့ နည်းလမ်းတွေကို လေ့လာရမှာ ဖြစ်ပါတယ်။
(202) Mental Models
‘Mental Models’ စာအုပ်ဟာ Smart ကျကျနဲ့ မြန်ဆန်စွာ တွေးခေါ်နိုင်စွမ်းရှိစေဖို့ လက်တွေ့ဆန်တဲ့ နည်းလမ်းပေါင်း 30 ကို ပြသသွားမှာ ဖြစ်ပါတယ်။ Mental Models တွေဟာ လမ်းပျောက်နေတဲ့ လူတွေအတွက် ရတနာ မြေပုံ တစ်ခုလိုပါပဲ။ သင့်ဘဝထဲက ဆုံးဖြတ်ချက်၊ ပြဿနာမှန်သမျှအတွက် ဖြေရှင်းချက်တွေ ပေးနိုင်မှာပါ။ ‘Mental Models’ စာအုပ်ထဲမှာဆိုရင် -ပါဝင်ပတ်သက်မှု၊ အမြစ်တွယ်နေတဲ့ ပြဿနာတွေ၊ ဖြစ်နိုင်ခြေတွေကို နားလည်သဘောပေါက်စေမယ် -Anti-Goals တွေကို အသုံးပြုပြီး စစ်မှန်တဲ့ ဦးစားပေးတွေ၊ အာရုံစိုက်မှုတွေ ရှာဖွေစေပုံ -အခြေခံ ဖြစ်နိုင်ခြေ တွေးခေါ်ပုံတွေနဲ့ အနာဂတ်ကို ခန့်မှန်းပုံ -အချိန်နဲ့ အရင်းအမြစ်တွေကို အသုံးပြုပြီး ကြီးမားတဲ့ သက်ရောက်မှုတွေ ရှိစေပုံ စတာတွေကို လေ့လာရမှာ ဖြစ်တာကြောင့် …
