Fumitake Koga and Ichiro Kishimi

ပျော်ရွှင်မှု ဆိုတာ ရှာဖွေပြီး ရလာတဲ့ အရာမျိုး မဟုတ်ပါဘူး။ အဓိပ္ပါယ်ရှိတဲ့ ဘဝကို နေထိုင်ရင်းနဲ့မှ ရလာတဲ့ အရာပါ။ဒီစာအုပ်က ပျော်ရွှင်မှုကို အဓိပ္ပါယ် ဖွင့်ပြတာမျိုး မဟုတ်ဘဲ ပျော်ရွှင်မှုကို ရယူဖို့ လမ်းပြပေးမဲ့ စာအုပ်မျိုးဖြစ်ပါတယ်။ ဒီစာအုပ်ထဲမှာ Adlerian Psychology ကို နက်နက်နဲနဲ ရှင်းပြထားပြီး ကိုယ့်ရဲ့ပျော်ရွှင်မှုကို ကိုယ်တာဝန်ယူဖို့ အရေးကြီးကြောင်း ပြောပြထားပါတယ်။ ဒါ့အပြင် အဓိပ္ပါယ်ရှိတဲ့ ဘဝကို နေထိုင်နိုင်ဖို့ လက်တွေ့ကျတဲ့ အကြံဉာဏ်တွေ၊ လူတွေနဲ့ပတ်သက်ပြီး အယူအဆမှားတွေ၊ ပျော်ရွှင်ချင်ရင် လိုက်နာရမဲ့ နည်းဥပဒေသတွေ စတာတွေကို လေ့လာရမှာပါ။ဒီစာအုပ်ကိုတော့ စိတ်ချမ်းသာပြီး ပျော်ရွှင်တဲ့ ဘဝကို တည်ဆောက်ချင်တဲ့ လူတိုင်း ဖတ်ကိုဖတ်သင့်ပါတယ်။

ပျော်ရွှင်မှုဟာ ကိုယ်တိုင်ရွေးချယ်ယူရတဲ့ အရာလား? ဒီမေးခွန်းကို “The Courage to Be Disliked” စာအုပ်ထဲမှာ အရိုးရှင်းဆုံး၊ အပွင့်လင်းဆုံး ပြောပြသွားခဲ့ပါတယ်။ Alfred Adler ရဲ့ သီအိုရီတွေကို အသုံးချပြီး စာအုပ်ထဲမှာ အတွေးအခေါ်ပညာရှင်ကြီး တစ်ဦးနဲ့ လူငယ်လေးတစ်ဦး ကြားက စကားပြောနေတဲ့ ပုံစံနဲ့ ရေးသားထားပါတယ်။ Conversation ငါးခုနဲ့အတူ အတွေးအခေါ်ပညာရှင်ကြီးဟာ သူ့ရဲ့ ကျောင်းသားလေးကို သင်ပြပေးထားပါတယ်။ အသိပညာများစွာပါဝင်တဲ့ “The Courage to Be Disliked” စာအုပ်ဟာ ကိုယ်တိုင် ခွင့်လွှတ်မှု၊ ဂရုစိုက်မှုနဲ့ စိတ်ရှင်းလင်းမှု သဘောတရားတွေကို လမ်းပြပေးသွားမှာပါ။ ဒီနက်ရှိုင်းတဲ့ အတွေးအခေါ်တွေဟာ သင့်ကို ပြောင်းလဲဖို့အတွက် ရဲရင့်လာစေပြီး၊ သင့်ကိုယ်သင် ချမှတ်ထားတဲ့ ကန့်သတ်ချက်တွေကို လစ်လျူရှုနိုင်မှာ ဖြစ်ပါတယ်။